RY TAKARIVA MIAVAKA (AORN)

Ry takariva miavaka, iriako tsy ho tapitra
Hifaly indray ny foko fa anivon'olon-tiana
Meteza ianao hateza sy ho tontolo mahafinaritra
ka higoaka fahasambarana no tena faniriana

Ry takariva miavaka, hamborahako tsiahy
Milamina ny saiko fa tsy misy hanoha randrana
Tomoera foana ihany, hampitony ny fanahy
fa andro tsara ianao ka nahitako fahombiazana

Oay?
Ry takariva miavaka... fa dia nahoana loatra?
Nalefanao ny alina, dimbiasan'ny maraina
Hanomboka eto indray ireo disadisa mampitroatra
Hiatrika ady sarotra zay mampiferin'aina

AORN
23 MAI 2024
--------