You are here: home > Vetso

LASY IRAY - BANGOTOKANA

  
                        LASY IRAY
   Misy toerana iray, noforoniko ho anao
    Loko  fotsy ranoray, no manjaka ao aminy ao
    Nohaingoko zavan-tsoa, nasiako volamena
   Mba ho lafatra tokoa, hahafatifaty izay jerena

Ny anarantsika mitambatra, no voasokitra eo aloha
Satria iray filamatra, iray koa isika roa
Tsy nasiako menarana ka hisompatra dia
Fa nosoloiko teny ierana, mba hampanjary ny fitia

       Tsy nantsoiko hoe Edena, lay paradisa fahizay
       Ilay nampihenahena, lasa fahoriana indray
       Fa nataoko hoe fitiavana, fitia tsy misy ambadika
       Olon-droa miara-dalana, tsy hisy izay hivadika

Novoleko voninkazo, eo am-povoany eo
Mba tsy hampihazohazo, na sanatria hoe hankaleo
Tsy hisy fahotana na  hivadim-panekena
Fa fitiavana no lalana, tsy misy ditra na terena

             Hanokanana andro iray, toy andro androany ity
             Tontolo andro mampiray, hampiraisana  fitia
             Ka ho tsiahivana isan-taona, ho marihantsika roa
             Fa tsy vokosoky ny fotoana, ilay dinan’olon-droa

Sokajy : Fitiavana

Hevitra mandeha

dadatsima (22/02/2012 22:51:45)

Tena tokony ho fidiana Filoham-pirenena mihintsy ianao fa izany no tokony endrika omena an'i Madagasikara e lol

BANGOTOKANA (22/05/2012 08:37:18)

Tsy haiko ny hanova an'i Madagasikara ho edena fa maro tompo loatra mantsy

Mombamomba

Mpanoratra : BANGOTOKANA


Nampiditra : BANGOTOKANA
Daty : 18/02/2012
Mpamangy : 1334
Mankafy : 0

Tononkalo hafa

Tsy misy lohan-teny
VONONA
TANTARA TSY VOAFAFA
ORANA
TSIAHY
NY FITIA
VAVAKA HO AN'I OLON-TIAKO