voninkazo sasatra (cedarf)

Nantsain'i ikalamako
(Nalaina tao amin'ny vetso.serasera.org)
nitety tany an'ala aho ka nahita voninkazo
kanto sady fatratra,
mamerovero manitra, tsy hinoako hoalazo
mihendri-java-tsoa, kanefa mbola ho sasatra...

miloko mavokely lay felany malia,
satriko otazana,
voatoto-tany ravo, kinanjo, hay lay tia:
zay saika homeko an'azy, lasa, tsy hita ho tazana.

ambany rangolahy, any ampasana mangina,
sy mitoetra am-po, tsy adinoko.
indrisy velo-tsento fa tany ravo anie ry tiana
no sisa niafaran'ilay vatanao nofihiniko.

mandria ampiadanana, tsy hisy ny ambiroa,
fa ny fo amam-panahiko no mbola hitomany.
lay lamba mena nandehanantsika roa
no lasa nisikinanao handao an'ito tany.
--------
Rohy:
Sokajy : embona - Alahelo
467 1
Mpakafy: cedarf
Hametraka hevitra
Midira aloha
Momba ny tononkalo
Mpanoratra : cedarf
Nampiditra : cedarf
Daty : 20/09/2022 14:12
Antsantononkalo
Nantsain'i ikalamako
© Eugene Heriniaina - serasera.org 1999 - 2024 - page load 0.014