AMIN'NY FO MANONTOLO (Dah Nex)

Mbola tsisy niantsa

Hangataka antsa
(Nalaina tao amin'ny vetso.serasera.org)
AMIN'NY FO MANONTOLO
Ry tokana mamy manindry domoina
Ry malemy paika mandrava ambiroa
Ry kanto sy raitra tsy mety hadinoina
AINA no fetra raha ny antsika roa

Ry raozy manitra an-jaridaina
Ry kintana ravaky ny alina ambony
Ry taolan-tehezana silaky ny aina
Ny fiarahantsika tsy ho rava intsony

Ry voronkahaka tsara fihaingo
Ry vero-toetra malemy fanahy
Ry manim-pofona mandoko laingo
Tsy miova ny foko fa aza manahy

Ry fiangotiana tsy manan-tsahala
Ry voary meva mpanaingo tontolo
Ry olon-tokana fiantso ''MALALA''
Tiako ianao, amin'ny fo manontolo.
Dah Nex
03 Aprily 2025 === 05:33 minitra
Andramasina
--------
Rohy:
Sokajy : Fitiavana
26 0
Hametraka hevitra
Midira aloha
Momba ny tononkalo
Mpanoratra : Dah Nex
Nampiditra : DahNex
Daty : 19/03/2026 11:58
Antsantononkalo

Mbola tsisy niantsa

Hangataka antsa Hampiditra feo
Tononkalo hafa
© Eugene Heriniaina - serasera.org 1999 - 2026 - page load 0.0119