ATO AM-PONAY FOANA ! (LAVENONA)

ATO AM-PONAY FOANA !

Toy ny nofy letsy raha ny fiainana fahiny a!
Zary tsy mampino raha ny zava-misy androany hoe...
ialahy ilay tena namana mpamalifaly iny
no nantsoin-drafahafatesana niala teto an-tany !
Kanefa izay no lahatra ...!

Toa tsaroako etoana ilay ialahy mitsiky...
rehefa raikitra iny ny vazivazy kely !
Latsa-paka loatra raha ny finamantsika
ka tsy ho voafafana mihitsy na adino tsy velively...
na volana io na taona !

Dia....eto izaho misaona...!

Mamadika ho rima...ny embona mandalo...
Hitoetra ho fahatsiarovana tsy afaka vonoina !
Ny anaran'ialahy nataoko sombin-tononkalo*...
Io no famantarana fa ato am-ponay foana...
ny vitan'ialahy !

LAVENONA
--------