IRENY POETA IRENY (LAVENONA)

Mbola tsisy niantsa

Hangataka antsa
(Nalaina tao amin'ny vetso.serasera.org)
IRENY POETA IRENY

Ny ao am-pon’ny poeta dia saro-pantarina
Ny hevitra ny azy dia saro-takarina
Ny fihetseham-pony tsy hainao soritana
Ny fiainany mihitsy notsy azo faritana

Ka na misy mandratra aza anie izany fony
Dia zavatra hafa no mody ventsoiny
Fa ny alahelony ny azy feheziny
Dia ianao mamaky indry no ampahereziny

Na mandalo olana aza anie izany fiainany,dia…
Tsy ianao velively no ndeha hitarainany
Fa fotsiny,mody totofany rima
Amin’ny teny sy soratra ianao dia variana

Raha ny azy ireny dia be ny alahelony
Ka nefa tazoniny ho tsiambaratelony
Mazàna izy ireny misento mangina
Ny sorany kosa fenoiny hafaliana

LAVENONA
25/01/22
--------
Rohy:
Sokajy : Poety
52 1
Mpakafy: tafitasoa777
Hametraka hevitra
Midira aloha
Momba ny tononkalo
Mpanoratra : LAVENONA
Nampiditra : danielroimemy086
Daty : 12/04/2024 10:34
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.1283