NY TENA NAMANA (LAVENONA)
Mbola tsisy niantsa
(Nalaina tao amin'ny vetso.serasera.org)
NY TENA NAMANANy tena namana tsy mifanary
Na inona na inona zava-tsedraina
Mifameno toa rano sy vary
Iray vatsy sy iray aina
Ka raha misy ny ady lalovana
Eo ny namana hifampizarana
na dia mafy sy mahatorovana,aza
Zary maivana mora vahana
Ny tena namana tsy hamela irery
Raha sendra ny andro manjombona
Mampitraka ary koa mampahery
Ny fahoriana iaraha-miombona
Ny finamanana eo ihany ,fa indrindra
Ny fanampiana dia tsy latsa-danja
Toy tongotra miara-mamindra
Sy ny soroka miara-milanja
Izany no tena namana
LAVENONA
--------
Rohy:
Sokajy :
Fiaraha-monina
Mpakafy:
tafitasoa777 - Felanarkt
