Ohabolana fahafito (DotMG)
(Nalaina tao amin'ny vetso.serasera.org)
Indray hariva izayNanatona ahy hitafa
Ity vehivavy iray
Izay jejojejo ery.
Niseho tsy mihafahafa
Tsy nanao be safary
Hamboraka fitia
No anton'ny kabary.
Nataony litania
ny Ohabolana fahafito
Mba sahisahy ery
Izato sangisanginy
Nataony aho hoe "Farito
Izay tian'ialahy handramana
Homeko tsisy tanginy
F'ialahy mba tiako ho namana".
"Bôgôsy ialahy ry zandry
Hoy izy am-pitsikiana
Iriko ialahy ho "Andry"
Hasoloko an'i Mano!"
...
Fa saingy izaho tsy liana
Hendry aho sady matotra
Manaja tokantrano
Nifidy ny ho voafatotra.
F'io Andriamanitro io
Hajaiko sy atahorako
Ka toe-panahy madio
No iainako isan'ora
Ny lalana izorako
Tsy avelako hibolila
Aleoko mandeha mora
Toy izay hivaralila.
Ny Ohabolana fahafitony
Naveriko amin'ikala
Jereo e 'ty firintony
Raha tezitra nolaviko
Izaho, hoy aho, tsy adala
K'hiboboka tangena
Fa ny ahy ny anabaviko,
dia ikala Fahendrena.
Fa na tsy izany koa aza
Raha toa aho tsy mivavaka
Tsy haharobo na hahahaza
Ity ikala te hadity
Fa ny ahy ny vady : miavaka
Sy tena mahafaly
K'i Bebe Birizity e,
Tsy hahainana an'i Mialy.
--
Tanginy: Tangy: Vola omen'ny lehilahy ny vehivavy mba hanekeny hiray aminy
Bôgôsy : Beau gosse : tsara bika, tsara tarehy.
Hibolila: Mibolila : Mibolisatra kely
Maharobo: Mandrobo : Mamitaka amin'ny teny mamy, mandokadoka, mitaona, mandroboka.
Hahahaza: Mihaza : Mandeha mitady, misambotra, manjono, misaka, miremby...
Hahainana: Maninana (mifaninana): Miezaka hanao mihoatra na ho tsara kokoa noho ...
--------
Rohy:
Hevitra mandeha
DotMG
(
19/11/2021 08:05)
"Nivoady hanatitra fanati-pihavanana aho
ary androany no nanefako ny voadiko.
Koa nivoaka hitsena anao aho
mba hitady fatratra anao ka nahita anao tokoa.
Ny fandrianako dia efa nasiako firakotra tsara,
lamba rongony misoratsoratra avy any Ejipta;
efa norarahako zavamanitra ny fandrianako,
dia miora sy hazomanitra ary havozomanitra.
Andeha, aoka isika hivoky fitia mandra-paharain'ny andro,
aoka hanaram-po amin'ny fitiavana isika.
Tsy ato an-trano mantsy ny vadiko
fa lasa nivahiny any lavitra;
ny kitapom-bola dia noentiny any an-tanany
ary tsy hody izy raha tsy feno ny volana."
Ohabolana 7.14-20
"Anaka, tandremo ny teniko
ary raketo ao aminao ny didiko."
"Lazao amin'ny fahendrena hoe: Anabaviko ianao!
Ary ny fahaiza-misaina dia antsoy hoe:
Havako akaiky ianao
mba hiarovana anao amin'ny vehivavy jejo,
dia amin'ny vehivavy janga izay manao teny manodoka."
"Koa mihainoa ahy ianareo, anaka,
ary tandremo ny teny ataoko!
Aoka tsy hivily ho any amin'ny lalany ny fonareo
ary aza mania ho amin'ny alehany.
Fa betsaka no naripany ka maty,
ary ny mahery indrindra aza dia matiny avokoa.
Ny tranony dia lalana mankany amin'ny fitoeran'ny maty,
eny, midina ho any amin'ny efitranon'ny fahafatesana."
Ohabolana 7.1,4,5,24-27.
ary androany no nanefako ny voadiko.
Koa nivoaka hitsena anao aho
mba hitady fatratra anao ka nahita anao tokoa.
Ny fandrianako dia efa nasiako firakotra tsara,
lamba rongony misoratsoratra avy any Ejipta;
efa norarahako zavamanitra ny fandrianako,
dia miora sy hazomanitra ary havozomanitra.
Andeha, aoka isika hivoky fitia mandra-paharain'ny andro,
aoka hanaram-po amin'ny fitiavana isika.
Tsy ato an-trano mantsy ny vadiko
fa lasa nivahiny any lavitra;
ny kitapom-bola dia noentiny any an-tanany
ary tsy hody izy raha tsy feno ny volana."
Ohabolana 7.14-20
"Anaka, tandremo ny teniko
ary raketo ao aminao ny didiko."
"Lazao amin'ny fahendrena hoe: Anabaviko ianao!
Ary ny fahaiza-misaina dia antsoy hoe:
Havako akaiky ianao
mba hiarovana anao amin'ny vehivavy jejo,
dia amin'ny vehivavy janga izay manao teny manodoka."
"Koa mihainoa ahy ianareo, anaka,
ary tandremo ny teny ataoko!
Aoka tsy hivily ho any amin'ny lalany ny fonareo
ary aza mania ho amin'ny alehany.
Fa betsaka no naripany ka maty,
ary ny mahery indrindra aza dia matiny avokoa.
Ny tranony dia lalana mankany amin'ny fitoeran'ny maty,
eny, midina ho any amin'ny efitranon'ny fahafatesana."
Ohabolana 7.1,4,5,24-27.