When the rain begins to fall. - DotMG

Azo vakiana?

Jereo e ny fasika fa mikorisa
Indreo tsy voasakan'ireo rantsanao
Dia toy izany koa ny androm-piainana sisa
Toa maika sy dodona ery hanindao.
Aza manahy e f'izaho eto foana
Mandrakizay aho dia namana tia
K'izao hasambarana iarahana etoana
Ho fiainana mandrakizay io satria:

Raha vao manomboka hirotsaka ny orana
Taingeno irony avana ery amin'ny lanitro
Matokia ahy fa tsy misy atahorana ...
Satria na hianjera aza ianao ho sinambotro.


Izany fotoana e toa tsy afaka hoferana
Ka nofy no ataontsika andry ianteherana.
Ny nofim-pitiavako maro miavosa
Izy rehetra eny endrey fa tontosa;
Satria tafaray aminao ny fitiavako
Ho sambatra mandrakizay aho rahavako
Ka na hiafina aza iry masoandro iry
Hahita hazavana ihany isika satria:

Raha vao manomboka hanorana ny andro
Izaho no hitaratra hisolo masoandro
Ka ny fiainantsika hanjopiaka, hibaliaka
Ary ho lavorary izay rehetra ataontsika.

DotMG, 2003, 7 desambra 2013.
Dikan-teny malalaka: When the rain begins to fall (Hiran'i Jermaine Jackson & Pia Zadora)

Mombamomba

Mpanoratra : DotMG

Nampiditra : DotMG
Daty : 13/12/2013
Mpamangy : 1166
Mankafy : 0

Tononkalo hafa

Ohabolana fahafito
Aza miandry ho masina!
Lafo vidy ny litera
Lozako
Alika manaikitra
Miarahaba an'ilay tafiditra
Tana
Asa izany ... tsikintsika.
Hafahafa koa...
Ompa tsy mahafaty