Manody ny fitia... (Elysé Azrael)

Mamoy fo mangina
Ankehitriny ilay nilaozanao,
Sakaizam-pandriana
Sy ny toaka izy izao

Potika tanteraka ny fiainany rehetra
Fa sendra anao ry olona tsy mba misy fo mitsetra,
Ny hambom-pony sisa no tsy andriany an-tatatra
Fa sendra olon-tsy vanona sady tsy vaky antatra!

Tadidio anefa fa mihodina ny tany:
Androany ianao miravo, rahampitso hitomany,
Tsy ozona na koa farateny sanatria,
Saingy tsarovy foana fa manody ny fitia!
--------