You are here: home > Vetso

Ny fitiavan'i Neny - havotraniaina

Azo vakiana?


Ny fitiavan'i Neny,
moa tsapanao ny ao an-tsainy,
dia ireo dinitry ny fiainana,
nodin-tsihita,ho an'ny menaky ny ainy.

Ny fitiavan'i Neny,
moa tsapanao ny ao am-pony,
mitempo mangina,vesaran'ny tomany,
tsy maintsy fafana,hiposaka indray andro any.


Ny fitiavan'i Neny,
moa hainao ny tena fitiavany,
fa ny ainy no efa nafoiny,
nanomezany ny ainy,ho an'ny ankohonany.


Mpanoratra LALAHARISON Havotra Niaina (25/05/22)

Sokajy : Fitiavana

Hevitra mandeha

havotraniaina (09/09/2022 13:51:37)


NY FITIAVAN'i NENY!

Ny fitiavan'i Neny,
moa tsapanao ny ao an-tsainy,
fa trotraky ny fiainana,atompan'ny tany,
tsy maintsy reseny,raha mbola eto an-tany.

Ny fitiavan'i Neny,
moa tsapanao ny ao am-pony,
mitempo mangina,vesaran'ny tomany,
tsy maintsy fafana,hiposaka indray andro any.


Ny fitiavan'i Neny,
moa hainao ny tena fitiavany,
niaritra ny mafy,ny ngidin'ny tany,
ianao no antenainy,fa ho velona ihany.


Mpanoratra LALAHARISON Havotra Niaina (25/05/22)