Adalan'ny Fitia (Herilanja RANDRIAMANGA)

Teny izay nomeko ilay hoe tena tia,
Teny notefen'ito fo adalan'ny fitia,
Tsy lainga velively ka hoentina hambambona,
Fa teny avy any am- po nivoaka moramora...

Tsy hatao tsianjery ka hadika an-taratasy,
Tsy sarisarin- teny na sanatria hoe valamaty,
Fa fihetseham-po raha sendra masonao,
Feo niantsoantso avy ao anatiko ao.

Dia tia aho, ary adalan'ny fitia,
Adalan'ny fitia fa tena tia an- dry..
Tsy hampanantena, na volamena na harena,
Fa fitia mandrakizay no azoko homena.
--------