Mbola tiako anie izy... (Herilanja RANDRIAMANGA)

Mbola tsisy niantsa

Hangataka antsa
(Nalaina tao amin'ny vetso.serasera.org)
Mbola tiako anie izy , na dia tsy ahy intsony aza,
Mbola mitempo azy foana ity fo tsy mahalala,
Mbola manantena ihany, fa very toa zaza,
Mifikitra mitia, efa tena lasa adala.

Isank'alina mitomany, mahatsiaro irony lasa,
Ny fotoana niarahana sy ny toerana naleha.
Mangatsika ilay fandriana rehefa iny ianao no lasa,
Manirery mangingina, miverena moa re.

Raha mbola misy kely ny fitiavanao ahy,
Dia tsarovy vetivety ilay nahitako anao,
Ianao ilay niantsampy sy nanoroka tsinahy,
Tsy nitsahatra niteny:" tiako foana ianao".

Mba tsarovy ihany koa ilay teny amoron-drano,
Ambany ravin-kazo, isika nilalao.
Miramirana éry toa efa tokatrano,
Nadolan'ny fitia ka nalaina ny hifandao.

Mbola tiako anie izy saingy nofy sisa ihany,
Tsy afaka ny hanery aho fa azy ny safidy.
Tsy mangataka aho hiverina fa efa lany mamy,
Voankazo nianjera ka zary toa mangidy
--------
Rohy:
38 0
Hametraka hevitra
Midira aloha
© Eugene Heriniaina - serasera.org 1999 - 2026 - page load 0.0111