Eny sy ety. (Herilanja RANDRIAMANGA)

Ilay masonao nitopy iray segondra monja
Dia teny am-balopy, misitery iray mafonja
Fijery iray tsikaritro izay miantso sy mitory
Fihetsika tsikaritro tsy mba niteny akory

Matetika mitranga ilay ianao mangata-maso
Manilika ireo sanga sy manakipikipy maso
Fantatro fa tia raha ireo fihetsikao
Miantso hoe avia mba hiaraka hilalao

Ety aho dia talanjona sady te-hiteny
Ary te-hanantona saingy tsy afaka makeny
Dia indro tafahoana ilay eny sy ety
Mifampijery foana toy ny mpifankatia

Dia mifampitazana sy mitsiky kely
Dia samy mihidy vazana toy ny manao fangalam-pihery
Dia toy izany foana ilay bitsiky ny fo
Toa resaky ny moana ilay tsiambarantelon-tsika roa
--------