Raha toa... (Herilanja RANDRIAMANGA)

Raha toa ka anaty nofy ihany,
No ahitako anao mitsiky,
Dia aleoko foana ihany,
Tsy mifoha mihitsy.

Raha toa ianao mbola mahatsiahy
Mahatsiaro ny fisiako,
Dia aza asina ahiahy.
Antsoy ihany aho fa hovaliako.

Raha toa ianao ka tomany,
Na koa mahatsiaro irery,
Miantsoa foana ihany,
Fa hoavy aho hankahery.

Raha toa ianao ka lavitra any,
Na hosarotra aza ny dia,
Dia tsy maintsy hotongako ihany any,
Raha izay no ahitako an-dry.
--------