Tsy nolazaiko anao... (Herilanja RANDRIAMANGA)

Tsy nolazaiko anao fa iny hariva iny vao nifandao isika roa...
Dia nofohazinao indray ilay fo efa nivoady ny tsy hitia intsony...
Nataonao fantany fa raha mbola nofo koa ny fo...
Dia tsy afaka ny hametra izay tsy azony fehezina, fa ny fitiavana no ambony...

Tsy tiako hofantatrao fa vao lasa ianao iny...
Niventsoventso foana ilay fo tsy mety fay...
Nisavasava ny diary nisy sarinao fahiny...
Te hanoratra hoanao, ataoko ahoana indray...

Fa raha mba tsapanao izany hiainako izany...
Angamba hofeheziko ho ahy samy irery...
Fa tsy anjarako ianao fa anjaran'olon-kafa...

Ka tsy hotongako any akory fa am-poko foana ihany...
Ilay fitiavantsika anie tsy natao an-tery..
Nofinofy tsy tanteraka sy fanirina tsy kinasa...
--------