FITIAVANA DAHOLO (IARANTSOA Mahefa)

...
Izany rehetra izany, fitiavana daholo!
Voahosy tamin-tany dia nanjary torotoro
ilay fo tsy manan-tsiny niezaka nitia,
saingy niarina satria...

Any ho any koa,
misy fo marary ankona sy torana,
misy koa mijaly miharitra fatorana.
Misy sasa-miarina, misy leo sy tofoka
misy voageja tsy afaka mikofoka.

Fa misy ny afa-po fa tojo ilay sahaza
misy vao nifoha ka manao fitiavan-jaza.
Ao 'reo tia mandrava sy mpialonana ny namana
ny an'ny hafa hatrany no tiany mba handramana.
...
Misy vao mitady ilay tokana ho anjarany,
misy tsy mikajy ny eo am-pelan-tanany
fa variana mihanihany sy tia misolosolo,
f' izany rehetra izany, fitavana daholo.

2016
--------