Misaotra foana. - Ikalamako

Misokatra ny maso
Mijery ny efitrano,
Dia misaotra ny Avo
Nomeny tombon'andro.

Miketrika tsy miera
Ny adidy maha-reny,
Misaotra tamin'ny hery
Azo ombieny ombieny.

Mihenjy sy miria
Miaraka amin'ny tiana,
Misaotra tamin'ny fy
Sy ny tombom-pifaliana.

Raha zary mivembena
Tojo zava-mahonena,
Saotra am-panetren-tena
Mana-namana harena.

Ny kibo ampy vatsy,
Hetaheta ampo-drano,
Misaotra, eny mantsy,
Tsy diso anjara androany.

Ny ondana isaintsainana,
Ny nofy ho tra-maraina,
Atao am-pelatanaNy
Fa Azy irery ny aina.



21 aogotsitra 2012

Mombamomba

Mpanoratra : Ikalamako

Nampiditra : ikalamako
Daty : 04/10/2012
Mpamangy : 1571
Mankafy : 1

Tononkalo hafa

Vokoka ny vakoka.
Raha hita rano ianao, ekeko.
Ce morceau-là
Mbola ito
Misy andro
Fitiavan-dreny
Saingy
Fa ho anao
Isaorako ny fiainana.
Rohin'ny tsiahy.