Senton'ny mody. (Ikalamako)

Injay etý an'habakabaka
Fa manetoka ny foko
Vao nandao anao malalako,
Ka ny tontolo miova loko.

Rahom-potsy mitambolona,
Lanitra manga mitatao,
No sidinan'ito vorona
Mitondra ahy lavitra anao.

Tendrombohi-bato maro
Mbola saro-dranomandry,
Tsy mitsaha-mampahatsiaro
Halaviran-tsy misangy.

Nosy maro anivon-drano
Toa manakora anay ety ambony,
Tsy mba tsapany f'androany
Ny foko tsy mba mety ho tony.

Dia io lay tanànako eny
An-tsomambisamby miandry ahy,
Ny saiko sisa no manjehy
Andro hihaonantsika roa indray.


5 jiona 2013
RevireVy - R.V
--------