ALINA IRAY - ILIMIM JIVISDI

Nitroatra ilay fitiavana izay niredareda
Tsy nanaiky intsony ka nofohazinao ry ela
Ilay oroka nafana, to anatin' indray alina
Nitarika hadalana, tsy takatra takarina

Ilay feonao niantefa, tsara sady tony
nandrendrika ny sambo, tany anaty ony
Fitia daholo ireny tsy nifanomezan-tsiny
Ny masonao mihitsy, no nambabo ahy tamin'iny

Ilay tànanao namikitra ahy mafy
Nisy sefosefo nibosesika tsy tanty
Niraikitra ho tsiaro mipetraka ato anatiko
Ilay alin-diarintsika, nofy sa nindramiko ?

Nisy fahatsapana, izay tena mbola tsy hay
Ngamba lanitra fahafito sa paradisa iray ?
Fotoana voalohany nitambarantsika ho Iray
Na Fy aza hoy aho, izay ny vita aok'izay !


14 novembre 2019
9:30 alina

Mpanoratra
Felan' Angoty

Mombamomba

Mpanoratra : ILIMIM JIVISDI

Nampiditra : ILIMIMJIVISDI
Daty : 14/08/2019
Mpamangy : 554
Mankafy : 2

Tononkalo hafa

EO IMASONAO
Ianao…
MIHARITRA
FITIA
VOADY MANDRA-MATY
HETRAKETRAKY NY TANY
IANAO NO TIAKO
VAVAKA!
TARAINAN’NY BANDY
Olon-tiako Vaovao (RAIKITRA !)