Tanala Very Sampy - Jean-Joseph Rabearivelo
Azo vakiana?
Tanala very sampy
Raha sendra misoka ny volana ambony;
Raha takona mantsy, ka tsy mba hita intsony,
Ankaratra misento, ka tsy mba mitony,
Andringitra no ho avy hanony ny fony.
Irony domoina raha toa saraka ala,
Indrisy! misento. Indrisy! fa adala?
Manembona hono, fa lavi-malala -
Hanova no sisa, fa sampin-tanala.
Avia, ry vorona! Avia mba mikalo!
Alaotra nilaozana, tomany mpandalo;
Very tsiriry ka indrisy, mimalo? -
Vonoiko ny sento, tsy ekeko hampivalo.
Ory manjavona- Ankaratra izany?
Onena misento- Ankaratra ihany
Ny tsy anilan-tiana no tena tomany,
Ny lehilahy kosa tsy lavon'izany.
Ora-midona no mety hampahatsiahy,
Ozom-pitia mijoro hampanahy;
Toa aloka sisa, fa very fanahy? -
Tanala very sampy aho, ry lahy.
Samborina ve ny domohin'ny tena,
Samborina ho an-kafa, hanorisorena?
Indrisy! misento. Indrisy! mivena;
Izaho manan-kambo tsy resy resena.
Efa nisinda ilay kinta-nirina,
Efa niova fangirifiriana;
Orosan-tsy satry ny sento iniana?
Ovao ny famindra, ka 'ndeha miova tiana.
J.J. Rabearivelo
Hevitra mandeha
lalasa (16/03/2006 15:38:58)
tena mampihetsim-po
tokoa ilay tononkalo
hery (26/05/2009 19:13:35)
Lanin'i leiry daholo ny aingam-panahy
fahamarinana (27/05/2009 08:19:35)
Tena ilay lafatra kosa izao an ! Misaotra nizara fa tsy fantaro io !
ramasinavalonanicals (09/03/2017 16:40:08)
Hametraka hevitra
Midira alohaMombamomba
Mpanoratra : Jean-Joseph Rabearivelo

Nampiditra : pissoa
Daty : 13/03/2006
Mpamangy : 11787
Mankafy : 4
Tononkalo hafa
Aza anontaniana izay anton'izaoPays natal
TSY HITONY TSY AKORY
Dihy
Ny Alahelon'ny Olombelona
Nosoratana tao anatin'ny fangorakorahana
La Nouvelle Tombe
Eritreritra Fahavaratra
Tsy Embona
Fo Mitohy