TSY HITONY TSY AKORY - Jean-Joseph Rabearivelo

Azo vakiana?

TSY HITONY TSY AKORY

Na dia misy olon-tiana
Hanakely ny mahory,
Sy hitondra hafaliana -
Tsy hitony tsy akory !

Na dia misy anjely soa
Hanafoana sorisory,
Sy hamalifaly koa -
Tsy hitony tsy akory

Na dia manan-kery aza
Ny fitia mamorivory,
Dia sahiko ny milaza:
Tsy hitony tsy akory !

Tsy hitony tsy akory
Fa diso ny finoana
Ry raozy e, esory
Ny tsilo manoloana.

Tsy hitony tsy akory
F' efa diso fanantena !
Ny foko avela hatory,
Hanadino e, ry sena !

Eny indrisy ! tsy hitony
Fara hery : manadino.
Fa ny tsy ho tia intsony
'Zany kosa, aza mino !

JJ. Rabearivelo

Hevitra mandeha

mangamaso (06/09/2009 11:07:03)

Tiako mihitsy ity tononkalo ity :)

rhina (07/09/2009 05:25:14)

tsara lo le tonokalon'i jjr fa zao: ai le ngidiny @ zavatra soratany ve zany niainany mints zay no nahatonga azy namono tena e!!! sa ahona ry reto a!!!
mba manitikitika ny saina

Nihelo (08/02/2015 12:43:13)

marna mintsy zn e!

Hametraka hevitra

Midira aloha

Mombamomba

Mpanoratra : Jean-Joseph Rabearivelo

Nampiditra : Moundzee
Daty : 07/04/2009
Mpamangy : 15707
Mankafy : 6

Tononkalo hafa

Aza anontaniana izay anton'izao
Pays natal
Dihy
Ny Alahelon'ny Olombelona
Nosoratana tao anatin'ny fangorakorahana
La Nouvelle Tombe
Eritreritra Fahavaratra
Tanala Very Sampy
Tsy Embona
Fo Mitohy