Aza anontaniana izay anton'izao - Jean-Joseph Rabearivelo

Azo vakiana?

Aza anontaniana izay anton'izao
Fanginako lalina ary feno tomany!
Aza anontaniana satria fantatrao
Fa fahatsiarovana no anton'izany.

Tsaroako ny tsikin'ny androko omaly,
Izay manjary aloka foana indrisy!
Tsaroako!...Antsoiko fa tsy mba mamaly,
Ary toa manadino,ary toa tsy mba nisy.

Ô! inona indrindra no karazan-tany
Nitsangananao re,ry androko lasa,
Ry androko lasa miampita any ho any,
Nitondra any ho any zava-boakasa.

Fasika amoron'ny rano malaky,
Mikoa amin'ny onja sy alona ve?
Sa vato malemy sy mora vinakin'
Ny eri-mifafy mangina tsy re?

Ny vovoka sisa tavela aminao,
Vovoka mandry na vovoka miely,
Vovo-manerana ity fiainako vao,
Vovoka ingain'ny rivotra kely.

Hifafy,handemy ny hery rehetra,
Hatramin'ny hery izay dia sahy.
Ô! vovo-masiaka sy mahery setra,
Manditsoka hatrany amin'ny ati-fanahy

J.J.Rabearivelo

Hevitra mandeha

johnsonrakotoniaina32 (12/09/2014 18:36:09)

tena mahagaga ny fahaizan'ny mpanakanto ...

Hametraka hevitra

Midira aloha

Mombamomba

Mpanoratra : Jean-Joseph Rabearivelo

Nampiditra : hery
Daty : 12/09/2014
Mpamangy : 17086
Mankafy : 9

Tononkalo hafa

Pays natal
TSY HITONY TSY AKORY
Dihy
Ny Alahelon'ny Olombelona
Nosoratana tao anatin'ny fangorakorahana
La Nouvelle Tombe
Eritreritra Fahavaratra
Tanala Very Sampy
Tsy Embona
Fo Mitohy