VONINKAZO - Jean NARIVONY
Azo vakiana?
Vao mitranga ny maraina
Dia mitsiky sy hanehy
Fa mamantan-jaridaina
Feno hatsaran-tarehy.
Fofomanitra tsy lefy
No mamerovero soa
Voninkazo tsara fefy
Indreo mivelatra avokoa.
Tazana ao ny violety
Te-hiafina ao ambany
Voninkazo tsy mirenty
Nefa manitra aok'izany.
Pika mavo, fotsy, mena,
Samy maha-te-hijery
Samy toa manaja tena
Nefa samy tsisy miery.
Vonindraozy bakobako
Ilay voakolo sy voakaja,
Manana endrika malako
Ka tsy lainga fa mihaja.
Hametraka hevitra
Midira alohaMombamomba
Mpanoratra : Jean NARIVONY
Nampiditra : jdd.rakotozafy
Daty : 03/06/2016
Mpamangy : 4896
Mankafy : 1
Tononkalo hafa
Ny tanantsikaVonim-boahirana
Misy ady
Iny Ankaratra Iny
TEBITEBY
Ny Tenindrazako
Naloan'ny fasana
RAJAKOM-BAZAHA
Ny tia sy ny manina
