Kanto (Joh)

Ny fifaliako eto an-tany
De ny mahita anao mirana hatrany
Tahaka ny voninkazo eny an-jaridaina
Manome endrika maharavo ny saina

Zato volonao lava mitopatopaka
Mahafaly ny maso ary mampite-haka
Ny feonao mikarantsana soa ery
Maninontona ny saiko te hanirery

Ny bikanao tsara mahitsihitsy
Marina moa raha misy toa azy mihitsy
Ny safosafonao koa moa tena tsara
Ka aiza moa za no tsy ho tara

Marina tokoa le hoe Ravaky ny saha
Ka izay mahita midanaka mitady hivaha
Mijery ilay ha-kanto mahafinaritra
Mahasondriana mampite-hizaha maharitra
--------