Nakamban'ny anjara (Laharthe)
Mbola tsisy niantsa
(Nalaina tao amin'ny vetso.serasera.org)
Nakamban'ny anjara
Tsy fiteny na fihetsika
No mba nentiko namboraka
Fa ny fonao manan-dretsika
Avy hatrany dia niantoraka
Tsy mba nisy hoe "nahoana"
Tsy novaliana hoe "satria..."
F'isika roa raha vao nihaona
Dia efa tsapa samy tia.
Nefa tsy endrika na bika
Na koa fomba fianjaika...
No nampientana antsika
F'ilay fitia mahery vaika.
Dia indro isika roa tafaraka
Miray fo fa tsy mizara
Tsy mila toky variraraka
Satria nakamban'ny anjara.
Laharthe - 25-03-17
--------
Rohy:
Sokajy :
Fitiavana
Mpakafy:
Tolotrha
