Raha toa aho... (Laharthe)
Mbola tsisy niantsa
(Nalaina tao amin'ny vetso.serasera.org)
Raha toa aho...
Raha toa aho nanadino,
Tsy hoe tsy tia intsony
Fa niezaka aho ny hino
Hoe efa tsy ahy ny fony!
Fa efa lasan'ny hafa
Nalainy tambongadiny,
Ka aleo tsy hirafarafa
Ndrao hovonoin'ny vadiny.
Raha toa aho tsy nahatsiaro
Tsy hoe efa nankahala,
Raha fitia mifangaro,
Ny mety angamba miala
F'izay no fahendrena
Na dia voatery miafy
Aleo manaja tena
Mba tsy hananan-drafy.
Raha toa aho mody fanina
Dia mamono eritreritra
Mitady ho manimanina
Fa ndrao hanita-kevitra
Hanimba tokantrano
'Zay mbola vao mianatra
Ka mba tsy hisian'ny angano
Aleoko hodian-tsy fantatra.
Laharthe - 24-03-17
--------
Rohy:
Sokajy :
Fiononana - Fisarahana
Mpakafy:
Tolotrha
