VELON-DRAY AMAN-DRENY (LAVENONA)

Mbola tsisy niantsa

Hangataka antsa
(Nalaina tao amin'ny vetso.serasera.org)
VELON-DRAY AMAN-DRENY

Raha toa velon-dray aman-dreny
misaora ny Ray ao ambony !
Satria rehefa lasa izy ireny dia...
tsy misy mpananatra intsony !

Tsy fidiny ho an'ny kamboty
ny hisotro kapoaka mangidy
fa tokana tsy afa-miangoty
ka zary tsy manan-tsafidy

Raha toa velon-dray aman-dreny
Hajao izy ireo dia tiavo !
Matoa izy ireny miteny
dia fitiavany anao tsy ho lavo

Ny mamingavinga aoka itsy !
Fadio ny manao bemarenina !
Tandremo fandrao sanatria
tsy eo izy ireo vao hanenina !

Raha toa velon-dray aman-dreny
aza miandry ho tafita...
vao hamaly babena azy ireny
Dieny izao dia ataovy izay vita !

Mantsy ny ray aman-dreny ?
Ny zanaka no hianteherany
Omeo azy ny valibabeny fa...
mandroso ny fahanterany !

Lavenona
--------
Rohy:
76 0
Hametraka hevitra
Midira aloha
Momba ny tononkalo
Mpanoratra : LAVENONA
Nampiditra : danielroimemy086
Daty : 29/04/2024 09:11
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0157