Raha ... (Mbola tsy fantatra)

Mbola tsisy niantsa

Hangataka antsa
(Nalaina tao amin'ny vetso.serasera.org)
Raha toa ve aho ka teto
aina firifiry no reko mba nisento
ho an' ny ainga izay tovoiziko?
Ny fonareo marefo
feno irifiry, tomany sy miventso
tena saingy tsy nampoiziko

Raha misy fo mitempo
hipo-pahatsiarovana
Raha misy saina kivy
rotik' alahelo
Aingao 'reo vazivaziko
mandra-pahatorovana
ho marika amantarana:
tsy lasan-davitra aho
fa mbola hieloelo

Raha toa ka tsinjonao
fa nisy iray nandringa tamin' ny làlana nodiaviko
Dia iny no halao
ho tsindrona sy apinga
entina hanitsiana
ny revy adaladalako!

Aza adino koa ny mivavaka ho anao
f' izaho no efa aty!
Dia tandremo fatratra ny kivy, be talaho
fa ny ahy io anjoria ....

(Ho fahatsiarovana manokana ho an' i Rado
sy ireo akama nialoha làlana rehetra)

Andon' Ny Aina (21/09/08)
--------
Rohy:
304 0
Hevitra mandeha
zoukimi ( 05/11/2008 15:20)
http://manafo-safo.over-blog.com/articles-blog.html
Hametraka hevitra
Midira aloha
Momba ny tononkalo
Mpanoratra : Mbola tsy fantatra
Nampiditra : zoukimi
Daty : 05/11/2008 15:18
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0556