FITIAVANA MANGINARaha v (Hajanirina Mahavaly)

FITIAVANA MANGINA

Raha vao nitopy ny masoko
Dia indro taratro ianao
Nitsefotra aoka izany ny foko
Raha nolalovanao

Nandeha ny andro,nivadika ho volana
Tsy afaka ato an-tsaiko 'zatsy endrikao
Toy ny vao omaly ilay fotoana
Nahitako 'zato hankantonao

Tena tiako ianao ry zazavavy
Saingy vahotra aho ny hanambara
Ilay fitiavana efa tena latsam-paka
Tiako hanoratana tantara

Nofy ihany angamba ny ahy
Satria aho tena tsy ho sahy
Hamboraka ilay teny avy ao am-poko
Hany ka velon-tsento sy toloko

Raha mba fantatrao mantsy akia
Ny fahoriana ao anatiko ao
Miheritretritra ilay fitia
Tsy voambarako aminao

Hajanirina Mahavaly 11/10/2019
--------