RAVAFankahalana ve no n (Hajanirina Mahavaly)
Mbola tsisy niantsa
(Nalaina tao amin'ny vetso.serasera.org)
RAVAFankahalana ve no nasetrinao
Ilay fitiavana natolotro anao
Nitondra ratram-poko
Sentosento sy toloko
Fiatsarambelatsihy hoy ianao
Nefa tena avy ao am-po
No namborahako fitia
Ho anao doria doria
Na ho rava aza ny amintsika
Tsy haiko ny hanadino anao
Noho ireo zavatra efa vita
Izay niarahana natao
Tao ny ratsy , tao ny tsara
Izay mipetraka ho tantara
Tsy ho afaka ato an-tsaina
Raha mbola velon'aina
Tiako tena tiako ianao
Nefa moa fitia tsy anjara
Tsotra ny hafatro aminao
MIFANKATIAVA TSARA
Hajanirina Mahavaly (04/09/18 à 15:20)
--------
Rohy:
