You are here: home > Vetso

malagasy - Miarantsoa Anicet

Azo vakiana?

                    MALAGASY


Ny kely am- pelan- tanako ,
'Lay sisa mba fananako,
Noritinao   tsy   nisy
Ka fotaka eny indrisy
No sisa mba miseho
Hatreo am- parany eo .

Pempoy io fa mivoitra.
Raha vao mitady hipoitra
dia alentika any am- parany .
Lotoy koa ny tantarany.
Tampeno teo ny molony ;
Ny aina asaivo atolony.

Ny rahalahy hajaiko
sy bavy sombin'ny aiko
No misaina toy izany ?
Ô! Ny rako moa tsy rany ?
Ny  razanay moa tsy iray ?
Malagasy iray ray!

Malagasy iray reny !
Malagasy no fiteny !
Samy mainty tsotra izao
N' inoninona  hatao .
Ka nahoana no mihavitra
Hamono fa tsy hanavotra?

Nahoana no misaina
Handripaka ahy an' aina ?
Vono  olona mazava
Ny fahatrana havava
Niniana teo napetraka.
Isika natao  'lay hibotetaka ,

Ny mahantra mbola  trohina
Hampitombo ireo komohina .

                 MIARANTSOA ANICET

Sokajy : Tanindrazana

Hevitra mandeha

sonwin (07/12/2004 22:50:59)

Mahafinaritra mihitsy rangahy ny aingam-panahinao fa dia mandefa hafatra am-panajana ho an'ireo tsy matahotra tsiny sy tsy mataho-tody. Tena ontsa marina e. Mahereza isika gasy e, mbola hiposaka ny masoandro

Miarantsoa (08/12/2004 17:45:08)

Enga anie tokoa ry Sonwin mba hiposaka ny masoandrontsika !
Tsy maintsy mitolona foana !
Tsy maitsy miady @ fomba rehetra !

vetsoko (13/12/2004 20:12:20)

tsara

chipie1 (14/12/2004 19:11:21)

mahereza e!

Hametraka hevitra

Midira aloha