Mamy ny alina (Miarantsoa Anicet)

Mbola tsisy niantsa

Hangataka antsa
(Nalaina tao amin'ny vetso.serasera.org)
Mbola mamy foana ny alina
Na tsisy anao aza.
Tiako foana ny alina
Na tsy tia ahy aza ianao.

De mbola tia anao koa aho...
Ravin- kazo tafasaraka aman- taho.

De mbola tiako koa ny tori-maso mamin' ny nofiko mangidy.
Izaho te handidy ny saiko tsy hitadidy,
Miezaka midify
An' iry menafify
Anembonako anao
Nefa he ! Fa mbola izao.

Anjely iza ary ianao no katsahiko?
Anjely iza ary ianao no de tsy maintsy arahiko?

Malala!
Any izao 'nareo: miresaka, mifaly
Tahaka antsika omaly
Fony mbola tsy nijaly.
Any izao ny omaly
Mandindona ahy hatrany .
Eto izao ny omaly
Mamangy itony tany.

Eto koa ny tranonay
Feno nofo mahamay.
MIARANTSOA ANICET
1998
--------
Rohy:
Sokajy : Alahelo
1412 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0556