SAIKA MBA HIZARA (Miarantsoa Anicet)
Mbola tsisy niantsa
(Nalaina tao amin'ny vetso.serasera.org)
Saika mba hizara Ny hakanton'ny natiora
Anivon-jaridaina
Takaikinao aho ry aina.
Tsy nety anefa ianao,
Lasana nandao.
Ny volana baliaka,
Ny hariva mangatsiaka;
Ny alina efa ho avy ,
Mivoaka mpamosavy,
Mivoaka olon-dratsy ,
Mivoaka lolom-paty.
Saika mba hizara
Tara-bolana mazava
Sy kintana mamiratra
Ho anao aho ry Rahiratra.
"Efa manana aho anefa "
Hoy ianao nilefa.
Marina any izany !
Izaho koa toa adala:
Iaraha-mahalala
Fa efa anao ny ala.
Iarahana mahita
F' ianao efa tafita.
MIARANTSOA ANICET
--------
Rohy:
Sokajy :
Eritreritra mandalo - Alahelo
