You are here: home > Vetso

inona sisa? - mimi12

Azo vakiana?

rohim-pihavanana tandrovina hatrany
ho soritry ny  fitiavana ao am-po sy lovan'ny tany
na miharefo sy mihena isan'andro aza izany
dia ny fanantenàna sy finoana no miaro azy ho mamy

ny fitia voadradradradra ankehitriny lasa angano
fa na iray fonosana aza mody gaigy sy mimamo
ambadik'Imanareza sisa ilay nandeha toa rano
nivarina any amin'ny foana ny aina ifotoran'ilay trano


fitia vita fototra nomena am-po madio
izay sisa ankehitrio voavolavolan'ny tadio
potiny ihany sisa, mipetraka eny an-dabilio
fitia vita sary, manenjika ny riorio

dia lasa izy iny, hadinoiny ny niaviany
fa hay ny ifotorany dia ilay lova notsiniaviny
nataony ho amboaram-piainany ny  taratry ny ankehitriny
lasa feno pentin'ny hoza-piainana nodiaviny

ilay taloha eo ihany fa notakomana vaovao
izay tsy iza fa sary nohamavoina  ny an'izay tao ambany tao
dia notakomana ihany  na dia ny triatra sy lao
f'ilay fitia tao foana, niandry azy,niandry anao sy isika rehetra izao

Mombamomba

Mpanoratra : mimi12

Nampiditra : mimi12
Daty : 24/07/2012
Mpamangy : 873
Mankafy : 0

Tononkalo hafa

any ho any
tia ahy ve ianao?
satria
sourire
nankaiza ny tanteliko teto
impossible mais...