Raha eo ianao, malala... - Niry-Solosoa

Azo vakiana?

Raha eo ianao, malala, ny ririnintsika,
inoako marimarina fa tsy hangatsiaka;
iarahana mitafy ny bodofotsintsika
na efa tontalazo manomboka hitriatra.

Ny ririnintsika hanjary lohataona,
ny ao am-patantsika hisy amindroana;
hiakatra ny ambiaty arotsaka ao an-daona,
ireto zanatsika akory tsy ho noana...

Tsy hamirifiry intsony ny naran'ny ririnina,
ny tokantranontsika ho vonton-kafanana;
raha eo ianao, malala, dia azoko fihinina
tsy higoragora intsony fanantenana.

Fa mila mpanafana ny tranobongotsika
ho tondraky ny mamy azo anamparana;
ho resy vaky bao ny vesatry ny hatsiaka:
isika miombona aina no tena hasambarana.

29 marsa 1988

Hevitra mandeha

volana1 (13/03/2008 07:22:56)

Marina mihitsy izany e ! raha eo ianao dia tsara daholo ny zavatra rehetra

Hametraka hevitra

Midira aloha

Mombamomba

Mpanoratra : Niry-Solosoa

Nampiditra : ombre
Daty : 16/12/2006
Mpamangy : 1811
Mankafy : 0

Tononkalo hafa

FANAINGALAVITRA
MIANGALY
FITENY HAOLO
TOBIN-TSARETY RIRININA
TANA-MIFANDRAY
BIBY