TOBIN-TSARETY RIRININA (Niry-Solosoa)

Nantsain'i ikalamako
(Nalaina tao amin'ny vetso.serasera.org)
TOBIN-TSARETY RIRININA

Fa ny tsy fisiana mahalava tongotra
Reraka ny vatana efa miombotrombotra,
Manjono hafanàna eo amoron'afo,
Lavitra malala tsy hita hanafosafo...

Na alina ririnina, na oram-pahavaratra
Mangintsy dia mangintsy manerana an'Ankaratra...

Ny alin'ny ririnina itobian-tsarety
Korana,hirahira,moa va tsy toy ny fety?
Tantara valamaty,resaka hatavezina
no analàna ny alina raha indray fehezina.

Rehefa afa-diana
mamonjy fatoriana
anatin'ny sarety
feno sy efa ety
anelanelan-gony
kanefa tsy nahoany;
Tsy hitahita akory
indro reno-tory
anaty rotsirotsy
manonofy hoe: mamihina an-dRafotsy!

NIRY-SOLOSOA
14.03.06
--------
Rohy:
1419 0
Hevitra mandeha
ledada ( 12/12/2006 10:33)
D refa tafaverina any an-tanàna dia tanterahina ilay oe "ary manonofy, mamihina an-drafotsy", d mitombo 1 njay ny isan'ny zaza teraka. 691: 6 minitra fahafinaretana, 9 volana mitondra vohoka ary miampy1 ny imbécile eo ambony latabatra! hahahha!
ny any ambanivohitsa koa refa tsis jirop sy ts mandry fahalemana d idina mialoha b ny trano. d lasa ts sazoka ny firaisana ara-nofon'ny mpivadyu
mimisou ( 13/12/2006 10:30)
marina mihitsy zany, ny fadiranovana ihany no maro anaka, tsy ampy fialam-boly dia ny mankany no analana andro
Hametraka hevitra
Midira aloha
Momba ny tononkalo
Mpanoratra : Niry-Solosoa
Nampiditra : kihy
Daty : 11/12/2006 14:16
Antsantononkalo
Nantsain'i ikalamako
© Eugene Heriniaina - serasera.org 1999 - 2024 - page load 0.1719