VONINKAZO (Noëlson L. ANDRIANIAINA)

Mbola tsisy niantsa

Hangataka antsa
(Nalaina tao amin'ny vetso.serasera.org)
Ny feonao milanto
Ny toetranao tena kanto
Ny fihetsikao mirindra
No tena tiako indrindra
.
Ny tolotrao izay nomena
Toy ny voninkazo nambolena
Iriako tsy hiova
Fa tazomina ho lova
.
Miredareda tsy mety maty
Fa tena tafiditra ao anaty
Tsy misy na iray very
Fa ho anao samy irery
.
Voninkazo ato am_poko
Dia ianao irery ihany
Voninkazo tsy misy loko
Fa mena foana hatrany
.
Voninkazo haingon'ny trano
Manome hatsarana
Ka tsy hiteraka angano
Fa efa voakarakara
.
Toa mahavelon'aina
Ilay voninkazo
Tsy hiketrona maina
Raha voatondraka tsy halazo
--------
Rohy:
Sokajy : Fitiavana
1042 1
Hametraka hevitra
Midira aloha
Momba ny tononkalo
Mpanoratra : Noëlson L. ANDRIANIAINA
Nampiditra : Noëlson ANDRIANIAINA
Daty : 09/06/2016 14:26
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.01