INY ALINA INY (Noëlson L. ANDRIANIAINA)

Iny alina lasa teo
Toa tsy alin'ny mangina
Fa toa nahitam_peo
Mandrotsirotsy ny manina
.
Alina tomaratra soa
Mibitsibitsika ilay tiana
Izay niainantsika roa
Mitsapa ny tena fitiavana
.
Iny alina toa fohy
Tsy ampy ny niainana
Fa tapaka tsy nitohy
Ny alin'iny tsy fanginana
.
Tsy nahitan_tory firy
Fa nibitsika naharitra
Izay tena nikafiry
Ilay alin'iny finaritra
--------