You are here: home > Vetso

Fidiran'ny mpianatra, - Nosy Malala

Azo vakiana?

Fidiran'ny mpianatra,

Firy firy moa izao,
Ireo raiamandreny  mitalao.
Fa tsy manana atao,
Amin'izao fidirana izao.

Samy miezaka avokoa,
Mitady  izay mba hahasoa,
Aleo sekoly tsy miankina,
Saingy tena mahatankina.

Maso mikipy angamba,
Raha tsy mahita ny zava mitranga,
Satria tsy tokontrano iray,
No mitaraina mikolay...

Dia hoy Ianao mamaly hoe,
"Tsy andoavam-bola ny epp,
Menomenona aza atao be dia be"
Ny tena  tampidalankaleha.

Mahereza hatrany ry Malagasy,
Ny fianarana mantsy no vatsy,
Hanafaka amin'ny fanambakana,
Sy lova mendrika ireharehana.

Nosy Malala
Septambra 2021