HAZO NOELY - Nosy Malala

Azo vakiana?

Hazo Noely,


Vao iray volana izay,
No niarapaly izahay.
Fa nandravaka anao indray,
Nohaingoina toy ny ho mandrak'izay.

Faly ery ny ankizy na ny lehibe,
Milaza fa nandritra ny taona, hendry be,
Sao tsy mahazo kilalao amin'ny Noely dadabe,
Miandry ampitsikiana sy manantena be.

Na ireo sahirana aza,
Manantena miandrandra,
Manao izay mety ho an'ny zaza,
Fa ho tonga ilay andro malaza.

Soa fa misy ireo  manao soa,
Mijery lavitra noho ny eo ambany loha,
Ka mandray anjara kely,
Mamalifaly, irak' anjely.

Mandalo daholo izany rehetra izany,
Na ireo nifaly na ireo nitomany.
Ny hazo Noely natoraly,
Lasa lavenona na tany.
Ny hazo artifisialy moa,
Avalona ho amin'ny herintaona koa.

Nosy Malala,
janoary 2021

Mombamomba

Mpanoratra : Nosy Malala

Nampiditra : tononkaloNM
Daty : 27/08/2021
Mpamangy : 301
Mankafy : 0

Tononkalo hafa

Zarainy
Hanam-bady
Misy lamozika
Iza ?
"MP"
Fetin'ny vehivavy
Fitia tsy mety ritra
Ny alahady
Iarivo tondradrano,
Ny Vavaka natao