Laharam-pahamehana - Nosy Malala

Azo vakiana?

Laharam-pahamehana,

Tovolahy kely roa,
Nahavaky fo tokoa.
Nantsoina hisakafo,
Nampilatsa-dranomaso.

Nivatsy haro kely,
Nipetraka nijery.
Niandry ny anjarany,
Ho entiny any antranony.

Izy ireo mantsy, dia noana sy mijaly,
Nandraraka anaty arokely ilay vary...
Atsasa-bilia... ho an'ny  any antrano,
Zava nisy io, fa tsy hoe  angano.

Ankizy iray izay , nisaoty lakilasy,
Izany ka mahay raha zaza malagasy,
Dia nitototo, nitady fanampiana....
Ny fitaovam-pianarana tokony vidina...

Nisy fanampiana indray, ankizy vitsy vitsy,
Ny fiainan'izy ireo, tena izany hoe tsy misy.
Dia nitsiky, nibaliaka izato maso,
Fa nisy nanome kahie, sy kitapo.

Antapitrisany izy ireo raha mahay manisa,
Efa antaona maro, izay nodiana tsy hita.
Sasa miandry fitondrana, hahatsiaro tena,
Hikolokolo ireto ankizy, ho avim-pirenena.

Ny mahatsikaiky, sy  tena mahaliana,
Adàlana sy ady politika, no tena mahavariana.
Sa ireny ve no loharanom-pandrosoana ?
Andaniana fotoana, nefa ny vahoaka noana !

Nosy malala
Septambra 2021

Mombamomba

Mpanoratra : Nosy Malala

Nampiditra : TononkaloNM
Daty : 23/09/2021
Mpamangy : 174
Mankafy : 0

Tononkalo hafa

Tsy ampy sira
Namana taloha
SAHIA MITENY
Nofy ny hanadino
Dada Mankasitraka mpanampy
Hanoratra hatsikana
TILAPIA
ANTSO AVO ( nosoratana niaraka tamin'ilay tononkalo "Enjana ity covid ity"
ENJANA ITY COVID ITY
INDRISY...