Nahoana - Nosy Malala

Azo vakiana?

Nahoana,

Nahoana ny foko no mitaraina hatrany,
Mandeha lava ny saina toa lasa vinany.
Nahoana angaha ireo havana any ho any,
No mijaly sy sahirana, mitoreo hatrany.

Nahoana ny tononkaloko no tsy sasa mitaky,
Mihika fahamarinana hatrany anaty...
Manentana ireo namana tsy ho ambakaina,
Mitaraina fahasahiranana miatra aman'aina.

Nahoana  ny aingampanahy no matetika lasa,
Mitsikera ireo mpangalatra tsy mety tratra.
Isoloina vaika  ny mahantra na tambanivolo,
Nahoana ngaha zareo no tsy mba voakolokolo ?

Ny fitiavana ve  no mahatonga izany ?
Satry ho resy ny tsy rariny eto antany.
Eny tiako Ianao ry Gasikara tsy foiko,
Tononkalo no hany amborahako ny ato ampoko!

Nosy Malala
Jolay 2021

Mombamomba

Mpanoratra : Nosy Malala

Nampiditra : TononkaloNM
Daty : 26/07/2021
Mpamangy : 255
Mankafy : 0

Tononkalo hafa

Maniry hilatsaka ho filoha
Manapotika Firenena
Tsy ampy sira
Namana taloha
SAHIA MITENY
Nofy ny hanadino
Dada Mankasitraka mpanampy
Hanoratra hatsikana
TILAPIA
ANTSO AVO ( nosoratana niaraka tamin'ilay tononkalo "Enjana ity covid ity"