Neny andeha hifidy - Nosy Malala

Azo vakiana?

Neny:
Ilaozako aloha ianareo rankizy,
Andeha kely aho hamita adidy.
Zo lehibe ny fahafana mifidy,
Izay lany eo no ho lehibe mandidy.

             Zanaka :
              Hendry tsara izahay fa aza manahy,
              Iza no hofidin'ny neninay angaha?
              Lazao fa zahay anie ka te ahafantatra,
              Sa ve marina f'efa voasoratra ny lahatra ?

Neny :
Azafady rankizy fa Izaho tsy hiteny,
Kobaka ambava ny ankabeazan'izy ireny.
Tsy anambara safidy aho na iza hitoreo.
Ndrao ohatra vilana ho an'ny ho avy nareo.

               Zanaka :
               Ao moa neny fa zahay te hahalala,
               Zahay anie te hanana mpitondra tsara.
               Mpiahy ny madinika, manetry tena,
               Iray ny tarigetra " ho an'ny Firenena".

Neny :
Mianara tsara , mba ho tonga amin'izany,
Hatreto aloha ny politika dia ady seza hatrany.
Ny mitondra sy ny ekipa toa voky daholo,
Mipitrapitra eo foana ny vahoaka manontolo.

Nosy Malala
Aogositra 2021

Mombamomba

Mpanoratra : Nosy Malala

Nampiditra : TononkaloNM
Daty : 09/08/2021
Mpamangy : 337
Mankafy : 0

Tononkalo hafa

Armée.... Armée de te
Mpanoratra sy ny tononkalony
Lafatra tsy misy kianina,
Tokiko,
Ho tanora foana,
Tiako ho tantaraina
Tanamasoandro
Tadim-pitana
Namela mamy
Mikarakara taratasy