Resaka politika - Nosy Malala
Azo vakiana?
Resaka politika,
Mbola tsy manomboka ny propagandy,
Indreo izy dahy miady hevitra sahady.
Hadinon'izy ireo, ny nifandray tanana,
Alohan'ny lalao na savasava lalana.
Lehilahy :
Ianao ranabavy tsy tía fitondrana,
Ahenao kely ange, izato fankahalana,
Tsy misy mpitondra, tena mendrika izany,
Izay ny zava misy, taratra manerantany.
Vehivavy :
Nahoana no terena, hoe tsy tía fitondrana ?
Zara aza misy SAHY, milaza izay tsy ara-dalana.
Tombotsoan'ny firenena ny fahasahiana miteny,
Araraotin'ny hafa raha manaiky ombieny ombieny.
Lahy:
Izay mitondra eo, dia toy izao foana,
Ny korontana, tsy vahaolana etoana,
Ajaina izay eo, miandry fifidianana.
Mangina aloha, f'izay eo no tohanana.
Vavy:
Efa hita izao, ny manjo ny vahoaka,
Mangetaheta, tsy afaka mitroatra,
Rehefa hita fa mivarina ny firenena.
Ny manompo fahatany, tsy azoko ekena.
Lahy:
Ianareo tsy mijery, ireo zava maro vita,
Ny resaben'ny fesiboky no mampipitrapitra.
Ny mpanakorotana, manararaotra mihitsy,
Raha mifanena amiko, zaho tsy hitsitsy.
Vavy :
Aleo hiteny, ireo Malagasy SAHY,
Milaza ny marina, na vehivavy na lehilahy.
Aleo ny kanosa, tsy manakambara,
Ho very finoana, ho tsarain'ny tantara.
Lahy :
Jereo ny fiainana, tsisy miova eo,
Impiry no naongana ny mpitondra teo.
Atao tsara ny asa, karakarao ny takontrano,
Ndrao hahita loza, sy ahita angano.
Vavy :
Ho adinoina ve, ireo tolona taloha,
Ny ra latsaka, namoizana mahery fo?
Jerena fotsiny ve, ny tany efa ho gazana,
Sa handray andraikitra izay TIA tanindrazana ?
... Ny resaka polítika sy fivavahana aloha,
Tsy iadina hevitra sao hamparary fo.
Izay mijoro amin'ny marina, ndeha tohanana,
Olomangam-pirenena, izay tsy miraviravy tanana.
Nosy Malala
Janoary 2023
Mombamomba
Mpanoratra : Nosy Malala

Nampiditra : TononkaloNM
Daty : 18/01/2023
Mpamangy : 79
Mankafy : 0
Tononkalo hafa
Mirotsaka ny oranaBonheur contagieux
Magnifique mer
Lera,
Mandrosoa avy hatrany,
Comme lorsque j'ai été enfant,
Mi aime a ou
Tu avances sans médire,
Mpanoratra sy ny tononkalony
Lafatra tsy misy kianina,