TENA FILAMATRA (Nosy Malala)
Mbola tsisy niantsa
(Nalaina tao amin'ny vetso.serasera.org)
Tena filamatra, Tsy ho noana, tsy akory,
Sady tsy hampahonena,
Ireo tsy avela intsony,
Mampahantra firenena.
Rariny ve izany,
Hoe manan-karena ny tany ?
Fa olombitsy ihany,
No misitraka izany ?
Firy moa ireo efa lasana,
Tsy namaky teny akory,
Niaina tanaty fanambakana,
Tsy afaka nandeha antsekoly !
Firy koa ireo naniry,
Fa tsy afaka nikiry,
Hamela soa ny faniriany,
Ho an'ilay Nosy tena tiany !
Tsy ho tanteraka Izany,
Raha araraotina hatrany,
Ireo Malagasy Tompontany,
Noho ny fahefan'ireo mpanao izany.
Ilay teny hoe mahitahita,
Ho zary henatra fa tsy voninahitra.
Hitovy zo daholo isika,
Tsy izany ve no tena filamatra?
24 Jolay 2021
Nosy malala
--------
Rohy:
Sokajy :
Tanindrazana - Politika - Malalaka - Fiaraha-monina - fiainana - fanantenana - fananarana - Fahantrana - Eritreritra mandalo - Aingam-panahy
