Tsy hanaiky intsony (Nosy Malala)

Nantsain'i
(Nalaina tao amin'ny vetso.serasera.org)
Tsy hanaiky intsony,

Iza no mbola ahasahy hitraka,
Raha izay mijoro dia ho voadaka.
Iza no mbola ahasahy mijoro,
Ny maty rehetra lasa tsy nisy nisolo!

Ento aho raha tongotro fa tena mandoro,
Ny  hazalambo sady feno torotoro.
Raha manohitra enao na hoe mba mijoro,
Dia potika hatreo ny ho avy manontolo.

Tsy izany ve no tanjon'ny mpanararaotra ?
Aleo dinihana ihany alohan'ny hitsaoka.
Ny marina  no andry sy aron'ity Gasikara,
Lova tsara indrindran' ireo taranaka amampara!

Manenjeha foana ary izay hanenjika,
Ataovy hazalambo izay tianareo arendrika.
Fa ny  efa nianatra  tsy hanaiky intsony,
Ireo mpanabotry firenena, mpanao kolikoly.

Nosy Malala
Jolay 2021
--------
Rohy:
776 0
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0889