Ny maha gasy ahy (Ny Ala Zohimbato)

Ny maha Gasy ahy

Tsy ny rehareha ivelany
Na ny bika amam-pitafy
No maha-Malagasy

Tsy ireo teny izay miserana
Ao am-pototsofinao sariaka
No maha-Gasy antsika

Tsy ny sekoseko an-dalana
Amin’ireo fomba amin’izao
No maha-Gasy anao

Fa ao ny tenin-dReninao
Ny fomba amam-panao
Tsy afaka handao
Fa maha-Gasy anao

Dia ny hiram-pirenena
Sy ny maintso, fotsy, mena
Izay tsy mivadidasy
No maha-Malagasy

Ka ny fanahianao mangina
Ny rà anaty mikoriana
Ireo mikoriana sy nandriaka
No maha-Gasy antsika

Ny Ala Zohimbato
--------