You are here: home > Vetso

Ener lalandy - ny eja

Azo vakiana?

(Ity  tononkalo  ity  dia atolotro  manokana  ilay olo mangan'ny  haisoratra Malagasy, mpanoratra, poety  sady  akademisiana, ENER LALANDY,  nodimandry  ny alarobia 02/03/2005 lasa  teo)

Ener Lalandy ,
niezaka  aho hahalala
izao  fandaozanao
indrisy  fa tsy  takatro
ny  mba hany fantatro:
dia ilay  ianao  feno  fitsikiana
dia ilay  ianao  tsy  laitran'ny hakiviana
dia ilay  ianao  mpanorotoro anay
indrindra fa ianao  mpampianatra mahay

Ener Lalandy  a
niezaka aho  hilaza
teny  mba sahaza
ny  momba anao  ihany
ny  azoko ambara
sy  mahalaza tsara
dia ny  hoe" mamy "
mamy  taminay  ny  fanampianao
mamy  taminay  ny  fampianaranao
mamy taminay  ny talentanao
mamy  aminay  ,ianao  dia ianao

ka raha toa mangidy
fa mahafarahidy  
anay  ny  fisarahana
satria ianao   dia lasana
atelin'ito  fasana ,
dia aoka ny  hamamiana
hamafa fahoriana.
ny  fiononanay
tsy  maty  akory  ianao;
tsy maty  aminay ny  sangan'asanao
tsy  maty  aminay  ny  fampihomezanao
tsy  maty  aminay  ny  soa navelanao
tsy  maty  aminay  ny  fahatsoranao
fa mijanona mitoetra
aminay  rehetra
ka entiko hamaranana
mandria am-piadanana.

Ny  Eja 2005
Ny  boky  izay  avoakan' Ny Eja  (martsa 2005)mitondra ny  lohateny  hoe  "ilay  fitia " dia Ener Lalandy no  nanolotra azy .

Sokajy : Fahatsiarovana

Hevitra mandeha

andriary (11/03/2005 14:13:07)

Ireny ka olo-manga!
ary ny mpanoratra koa efa sangany!
lazao anao y ny momba lay boky ry nyeja

nyeja (15/03/2005 08:06:20)

misaotra andriary an mpanoratra malaza sady nahafinaritra tokoa i ener lalandy sambatra isika manana malagasy tia ny tenindrazany .

totty (17/06/2005 22:02:50)

mahafinaritra izany tononkalo izany ,mahay manaja tokoa ny mpiray tanindrazana

Hametraka hevitra

Midira aloha