Fanahy Mendrika (ny eja)
Mbola tsisy niantsa
(Nalaina tao amin'ny vetso.serasera.org)
Tsy ny bikanao sy ny endrikaNiangalian'Ilay Nahary
No sarobidinao voamariko
Fa ilay fanahinao mendrika
Tsotra ka miharihary
Tsy aritro ka nasongadiko.
Ny fitsikinao baliaka
Tiako ery mba hotahafina
Miampy ilay fomba fijery
Miavaka tsy miafinafina
Dia feno ilay fahendrenao
Ny tontolo raha mitafa
Sady ilay firesakao
Mahintsy tsy mba mihafahafa
Tsy mahagaga aho raha sondriana
Nanakorisa indray ilay peniko
Fa henik'ilay fifaliana
Ny ao anaty fa tsy afeniko !
Ny Eja (08/07/2007)
--------
Rohy:
Hevitra mandeha
DRZK
(
19/07/2007 21:43)
Marina izany ! Iza tokoa moa no tsy ho faly raha feno hatsarana toy izany ilay tiana ? Mahereza Ny Eja a ! Ankafiziko hatrany ny asa-soratrao
nyeja
(
31/07/2007 07:47)
misaotra betsaka an
biz Ny Eja namanao
biz Ny Eja namanao
